Guðrún Inga Sívertsen, skólastjóri Verzlunarskóla Íslands mun flytja erindi fyrir okkur. Hún er fyrsta konan til að gegna þessu embætti í rúmlega 110 ára sögu skólans. Erindi hennar mun fjalla um aðgerðir skólans í ljósi Covid ásamt því að segja okkur frá norrænu samstarfi skólans á sviði menntunar. Guðrún hefur starfað við Verzlunarskólann nær óslitið frá árinu 2002. Hún lauk BA prófi í hagfræði frá Háskóla Íslands, er með meistarapróf í opinberri stjórnsýslu, diplómanám í kennslufræði frá sama skóla og er að ljúka AMP námi frá IESE háskólanum í Barcelona á Spáni. Fundurinn er í umsjón alþjóðanefndar sem í sitja Sævar Kristinsson formaður, Aðalsteinn Leifsson og Auður Björk Guðmundsdóttir. Fundurinn verður á Teams.
